यस्तो छ माओवादीको सम्भावित पदाधिकारी सूची

काठमाडौँ- सत्तारूढ नेकपा (माओवादी केन्द्र)को स्थायी समिति बैठक बस्दैछ । पार्टी केन्द्रीय कार्यालय पेरिसडाँडामा दिउँसो १ बजे स्थायी समिति बैठक बस्न लागेको हो ।

शुक्रबारको बैठकले पदाधिकारीको टुंगो लगाउन नसकेपछि आजका लागि बैठक बोलाइएको हो । बैठकमा पदाधिकारी चयनबारे छलफल हुने प्रवक्ता कृष्णबहादुर महराले जानकारी दिए । उनका अनुसार आजको बैठकले माओवादी पदाधिकारी टुंगो लगाउने छ । माओवादी स्थायी समिति बैठक शुक्रबार पनि बसेको थियो । 

---

माओवादको शुक्रबारको बैठकले पदाधिकारी २१ सदस्यीय बनाउने टुंगो लगाएको छ । अध्यक्ष १, वरिष्ठ उपाध्यक्ष १, उपाध्यक्ष १, महासचिव १ र कोषाध्यक्ष १ जना हुनेछन् । अध्यक्ष पुष्पकमल दाहाल प्रचण्ड, वरिष्ठ उपाध्यक्ष नारायणकाजी श्रेष्ठ र उपाध्यक्ष कृष्णबहादुर महराबाहेक पदाधिकारी चयन भएका छैनन् ।

त्यस्तै उपमहासचिव ७ जना र सचिवमा भने ९ जना रहने माओवादीका एक स्थायी समिति सदस्यले इकागजलाई बताए । ति सदस्यका अनुसार आजको बैठकमा उपाध्यक्षको संख्या बढ्‍न सक्‍ने बताए । सचिव कसलाई बनाउने भन्‍नेबारे छलफल जारी रहेको ति नेताले बताए ।

वर्षमान पुन र जनार्दन शर्माले महासचिवमा दाबी गरिरहँदा उनीहरूलाई उपमहासचिव बनाउने प्रचण्डले अन्तिम तयारी गरेको खुमलटार स्रोतले जानकारी दियो ।

गत पुसमा महाधिवेशन गरेको माओवादीले हालसम्म पनि पदाधिकारी छान्‍न सकेको छैन । 

प्रचण्डले तयार पारेका पदाधिकारीको सम्भावित सूची
अध्यक्ष- पुष्पकमल दाहाल प्रचण्ड
वरिष्ठ उपाध्यक्ष- नारायणकाजी श्रेष्ठ
उपाध्यक्ष- कृष्णबहादुर महरा
महासचिव- देव गुरुङ
उपमहासचिव- वर्षमान पुन, जनार्दन शर्मा, पम्फा भुसाल, मात्रिका यादव, शक्ति बस्नेत, हरिबोल गजुरेल र गिरिराजमणि पोखरेल