एमाले कैलालीका पूर्वअध्यक्ष तथा प्रदेश सांसद रतन थापा नागरिक उन्मुक्ति पार्टीमा प्रवेश

काठमाडौँ - नेकपा एमाले कैलालीका पूर्वअध्यक्ष तथा सुदूरपश्चिम प्रदेशसभा सदस्य रतन थापा नागरिक उन्मुक्ति पार्टीमा प्रवेश गरेका छन् । आज काठमाडौँमा आयोजित कार्यक्रममा जनमुक्ति पार्टी अध्यक्ष रञ्जिता श्रेष्ठले थापालगायत नेताहरूलाई पार्टीमा स्वागत गरेकी हुन् ।

पार्टी प्रवेश ग्नेहरूमा एमाले पूर्वसांसद हिमाञ्चल भट्टराई, भूमिका चौधरी लगायत छन् । स्थानीय चुनावमा अन्तरघात गरेको भन्दै थापालाई नेकपा एमालेले जिल्ला अध्यक्ष पदबाट हटाएको थियो ।

---

‘कैलालीमा कांग्रेस र एमालेबाट धेरै नेता कार्यकर्ता उन्मुक्ति पार्टीमा प्रवेश गर्दैछन्,’ पार्टीका नेता लक्ष्मण थारुले भने, ‘अहिले उहाँहरूका मागका विषयमा छलफल भइरहेको छ ।’ आगामी निर्वाचनबाट नागरिक उन्मुक्ति पार्टी देशको वैकल्पिक शक्ति बन्ने उनको दाबी छ ।