राष्ट्रिय जनमोर्चाले बुझायो उम्मेदवारको बन्द सूची

काठमाडौँ- राष्ट्रिय जनमोर्चाले आसन्न निर्वाचनका लागि समानुपातिक तर्फका उम्मेदवारको बन्द सूची निर्वाचन आयोगमा बुझाएको छ । 

निर्वाचन आयोगले आउँदो ४ मंसिरमा हुने प्रतिनिधि र प्रदेश सभा सदस्य निर्वाचनको समानुपातिक तर्फका उम्मेदवारको बन्द सूची बुझाउन आइतबार र सोमबार समय दिएको छ । 

---

अन्तिम दिन सोमबार राष्ट्रिय जनमोर्चाले समानुपातिक उम्मेदवारहरूको सूची बुझाएको हो । 

पहिलो हुने निर्वाचित हुने निर्वाचन प्रणालीमा १६५ सिटका लागि निर्वाचन हुनेछ भने समानुपातिकतर्फ ११० सिट रहेको छ । राष्ट्रिय जनमोर्चाले ११० सिटमै उम्मेदवारको नाम पठाएको छ ।