मध्यरातमा घनश्याम भुसाललाई प्रचण्डको फोन : हामी सहयोग गर्छौँ उम्मेदवारी दिनुस्

काठमाडौँ-  नेकपा एमाले परित्याग गरेका घनश्याम भुसाललाई संघीय चुनावमा सत्ता गठबन्धनले सहयोग गर्ने भएको छ । रुपन्देही-१ बाट स्वतन्त्रबाट उम्मेदवारी दिने घोषणा गरेका भुसाललाई सत्ता गठबन्धनले सहयोग गर्ने भएको हो ।

सत्ता गठबन्धनले टिकट भागबन्डा लगाउँदा रुपन्देही-१ नेकपा माओवादी केन्द्रको भागमा परेको थियो । भुसाललाई फोन गरेर सत्ता गठबन्धनको सहयोग रहने माओवादी अध्यक्ष पुष्पकमल दाहाल प्रचण्डले बचन दिएका थिए ।

---

प्रचण्ड गएराति फोन गरेर उक्त क्षेत्रमा सत्ता गठबन्धनको उम्मेदवारी नहुने भुसाललाई बताएपछि आइतबार बिहान भुसालले पत्रकार सम्मेलन गरेर जानकारी दिएका थिए ।

एमालेले टिकट नदिएपछि भुसालले केही दिनअघि मात्रै पार्टी परित्याग गरेर स्वतन्त्र उम्मेदवारी दिने घोषणा गरेका थिए ।