काठमाडौँ - नेपाली कांग्रेसको संसदीय दलको चुनावमा संस्थापनइतर समूहबाट महामन्त्री गगन थापा एकल उम्मेदवार हुने भएका छन् । केहीबेर अघि सकिएको समूहको बैठकले गगनलाई एकल उम्मेदवार बनाउने निर्णय गरेको इतर समूहका एक नेताले इकागजलाई जानकारी दिए ।

उनका अनुसार गगनलाई एकल उम्मेदवार बनाउन इतर समूहका नेता डा. शेखर कोइराला सहमत भएका हुन् । शेखरले नै गगनलाई उम्मेदवार प्रस्ताव गर्ने ती नेताले बताए । सहमति केहीबेरमा पत्रकार सम्मेलन गरी सार्वजनिक गरिँदै छ । 

---

संस्थापन पक्षबाट भने सभापति शेरबहादुर देउवा उम्मेदवार हुने पक्का भइसकेको छ । थापाले गत चुनावमै प्रचार प्रसारका क्रममा आफू प्रधानमन्त्रीको उम्मेदवार हुने बताएका थिए ।