एकीकृत समाजवादी एमाले गठबन्धनमा सहभागी नहुने

काठमाडौं– नेकपा (एकीकृत समाजवादी) एमाले गठबन्धनमा सहभागी नहुने भएको छ । एकीकृत समाजवादीका नेता तथा पर्यटन मन्त्री जीवनराम श्रेष्ठले आफूहरू एमाले गठबन्धनको सरकारमा सहभागी नहुने बताएका हुन् ।

‘पहिलेकै गठबन्धन कायम गर्नुपर्छ भन्ने हाम्रो मान्यता हो । शुक्रबारको बैठकमा पनि यही निर्णय भएको थियो,’ मन्त्री श्रेष्ठले भने, ‘हामी एमाले गठबन्धनमा सहभागी हुँदैनाैं ।’

---

एमाले गठबन्धनको नेतृत्वमा सरकार गठनका लागि एमाले अध्यक्ष केपी शर्मा ओली निवास बालकोटमा पाँच दलको बैठक चलिरहेको छ । बैठकमा एमाले, माओवादी केन्द्र, जनमत पार्टी, रास्वपा र राप्रपा सहभागी छन् । 

मंसिर ४ गते सम्पन्न निर्वाचनमा एकीकृत समाजवादीले १० सिट जितेको थियो ।