कांग्रेसले प्रधानमन्त्री प्रचण्डलाई विश्वासको मत दिने, महामन्त्रीद्वयको असहमति

काठमाडौं - नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिने भएको छ । मंगलबार नयाँ बानेश्वरमा बसेको कांग्रेसको केन्द्रीय कार्यसम्पादन समिति बैठकले प्रधानमन्त्रीलाई विश्वासको मत दिने निर्णय गरेको कांग्रेस सांसद रामहरि खतिवडाले जानकारी दिए ।

उनका अनुसार प्रधानमन्त्रीलाई विश्वासको मत दिए पनि कांग्रेस प्रतिपक्षमा बस्ने छ । पछिल्लो राजनीतिक परिस्थितअनुसार कांग्रेसले विश्वासको मत दिने निर्णय गरेको उनको भनाइ छ । 

---

प्रधानमन्त्रीलाई विश्वासको मत दिने निर्णयमा महामन्त्रीद्वय गगन थापा र विश्वप्रकाश शर्माले भने असहमति जनाएको उनले बताए । 

प्रधानमन्त्री प्रचण्डले आज विश्वासको मत लिँदै छन् । कांग्रेसले मत दिने निर्णय गरेसँगै सरकारलाई दुई तिहाइ बढी सांसदको समर्थन रहने भएको छ ।