दल

एमाले कहिल्यै सुध्रिँदैन : नेपाल

इकागज |
पुस २९, २०७९ शुक्रबार १७:५७ बजे

फाइल तस्बिर

काठमाडौँ- नेकपा (एकीकृत समाजवादी)का अध्यक्ष माधवकुमार नेपालले पुरानै विचार, दृष्टिकोण र सिद्धान्तले एमाले नसुध्रिने बताएका छन् ।

शुक्रबार कम्युनिष्ट नेता घनश्याम भुसाललाई पार्टी प्रवेश गराउँदै अध्यक्ष नेपालले एमाले नसुध्रिने निष्कर्षमा आफ्नो पार्टी र घनश्याम भुसाल पुगेको र अन्य नेताहरू पनि एमाले छाड्दै आउने बताएका हुन् ।


उनले नेकपा एकीकृत समाजवादीलाई अब हाम्रो र राम्रो पार्टी बनाउने धारणा राखे । कम्युनिष्ट आन्दोलनलाई अघि बढाउन इमान्दार कम्युनिष्टहरूलाई गोलबन्द बनाएर एकताबद्ध रूपमा अघि बढ्ने उनको भनाइ छ ।

उनले विगतको समीक्षा गर्दै नयाँ ढंगले पार्टी सुदृढीकरण र पुनर्गठन गरेर अघि बढ्ने र बेग्लै पहिचान स्थापित गर्ने पनि बताए ।

नेकपा एकीकृत समाजवादी प्रवेश गरेका भुसालले एमाले परित्याग गर्दै मंसिर ४ को निर्वाचनमा रुपन्देही क्षेत्र नम्बर – १ बाट स्वतन्त्र उम्मेदवारी दिएका थिए ।


Author

थप समाचार
x