रामचन्द्र र सुवाश नेम्वाङको प्रशंसा गर्दै बाबुरामले दिए शुभकामना

काठमाडौँ - नेपाल समाजवादी पार्टीका अध्यक्ष डा. बाबुराम भट्टराईले राष्ट्रपतिका दुवै उम्मेदवार योग्य,अनुभवी र सालीन रहेको बताएका छन् । राष्ट्रपतिका उम्मेदवार 
रामचन्द्र पौडेल र सुवासचन्द्र नेम्वाङ दुवै हाम्रो संविधानले परिकल्पना गरेको सेरेमोनियल राष्ट्राध्यक्षनिम्ति योग्य,अनुभवी,सालीन उमेदवार रहेको उनको भनाइ छ । 

गणतन्त्र नेपालको राष्ट्रपतिले दलीय, गुटीय र अन्तर्राष्ट्रिय स्वार्थ/दबाब भन्दामाथि उठेर संविधानको पालना गरे पुग्ने भन्दै दुवैलाई शुभकामना दिएका छन् । 

---

'रामचन्द्र पौडेल र सुवासचन्द्र नेम्वाङ दुवै हाम्रो संविधानले परिकल्पना गरेको सेरेमोनियल राष्ट्राध्यक्षनिम्ति योग्य,अनुभवी, सालीन उमेद्वार हुनुहुन्छ!' नले लेखेका छन्, 'गणतन्त्र नेपालको राष्ट्रपतिले दलीय, गुटीय र अन्तर्राष्ट्रिय स्वार्थ/दबाबभन्दा माथि उठेर संविधानको पालना गरे पुग्छ ! हार्दिक शुभकामना!'

राष्ट्रपतिमा नेपाली कांग्रेसका नेता रामचन्द्र पौडेल र नेकपा एमालेका नेता सुवास चन्द्र नेम्वाङ प्रतिस्पर्धामा छन् । 

आउँदो फागुन २५ गते राष्ट्रपतिको र आगामी चैत ३ गते उपराष्ट्रपतिको निर्वाचन हुँदैछ । निर्वाचनका संघीय संसद्मा हाल कायम रहेका ३३२ र प्रदेशसभाका ५५० गरी कुल ८८२ मतदाता रहेका छन् ।