सरकारसँग संसद् चलाउने योजना नै छैन : नेता भट्टराई

काठमाडौँ- नेकपा एमालेका नेता योगेश भट्टराईले वर्तमान सरकारसँग संसद् चलाउने योजना नै नरहेको आरोप लगाएका छन् । आइतबार संसद् भवन नयाँ बानेश्वरमा सञ्चारकर्मीसँग कुरा गर्दै भट्टराईले संसद्लाई सरकारले बिजनेश दिने भए पनि अहिलेको सरकारसँग संसद् चलाउने योजना नै नरहेको आरोप लगाएका हुन् ।

उनले संक्रमणकालीन न्यायसँग सम्बन्धित विषयलाई पनि सदनमा नल्याइ बाहिरैबाहिरैबाट टुङ्ग्याउन खोजिएको बताए । शान्ति प्रक्रिया प्रचण्डको मागिखाने भाँडो मात्रै भएको भन्दै उनले सरकारमा गएपछि यसलाई प्रचण्डले प्राथमिकता दिन नसकेको जिकिर गरे ।

---

भट्टराईले विभिन्न ऐनहरू अघि बढ्न नसक्दा प्रशासनिक संयन्त्रलाई अप्ठेरो अवस्थामा परेको र सरकार उत्तरदायी नदेखिएको धारणा राखे ।