सिंहदरबारमा ओली-प्रचण्डबीच छलफल, के भयो कुराकानी ?

काठमाडौँ - प्रधानमन्त्री पुष्पकमल दाहाल प्रचण्ड र नेकपा (एमाले) का अध्यक्ष केपी शर्मा ओलीबीच भेटवार्ता भएको छ । शुक्रबार बिहान सिंहदरबारस्थित प्रधानमन्त्री कार्यालयमा प्रधानमन्त्री प्रचण्ड र अध्यक्ष ओलीबीच भेटवार्ता भएको हो । 

भेटमा समसामयिक विषयमा कुराकानी भएको एमाले अध्यक्ष ओलीले जानकारी दिए । ‘अहिलेसम्म त्यस्तै –त्यस्तै छ । विभिन्न समसामयिक विषयमा कुराकानी भयो,’ उनले भने । 

---

अध्यक्ष ओलीले प्रधानमन्त्री दाहालसँगको भेटपछि एमाले संसदीय दलको कार्यालयमा आएर संसदीय दलका उपनेता सुवासचन्द्र नेम्वाङ र प्रमुख सचेतक पदम गिरी लगायतका नेतासँग पनि छलफल गरेका थिए । संसदीय समितिलाई छिटोभन्दा छिटो गठन गर्ने विषयमा दुई नेताबीच कुराकानी भएको प्रमुख सचेतक गिरीले जानकारी दिए । उनका अनुसार छलफल भए पनि कुनै निष्कर्ष भने निस्किएको छैन । 

प्रमुख सचेतक गिरीले दुई नेताबीच कुनै पनि समझदारी बन्न नसकेको स्पष्ट पारे ।