उपनिर्वाचनको परिणामका विषयमा पार्टीभित्र समीक्षा गर्नुपर्ने बेला आयाे : माधव नेपाल

काठमाडौँ- नेकपा (एकीकृत समाजवादी)का अध्यक्ष माधवकुमार नेपालले उपनिर्वाचनको परिणामका विषयमा सबैले पार्टीभित्र समीक्षा गर्नुपर्ने बेला आएको बताएका छन् ।​

मंगलबार संघीय संसद् भवनमा सञ्चारकर्मीसँग कुरा गर्दै अध्यक्ष नेपालले निर्वाचनमा जनताको झुकावहरू किन परिवर्तन भइरहेको भनेर विश्लेषण गरेर आफूमा भएको कमीकमजोरी सुधार गरेर अघि बढ्नुपर्ने बताएका हुन् ।

---

घटनाक्रमका विषयमा गम्भीर नभए र कमीकमजोरी सुधार गर्न नसके जनताले विश्वास गर्न नसक्ने उनकाे भनाइ छ । अध्यक्ष नेपालले निर्वाचनपछि सबैको परीक्षाको घडी सुरु भएको भन्दै पटकपटकको परीक्षा उत्तीर्ण हुन नसके जनताको विश्वास कुनै दिन पनि गुम्न सक्ने जिकिर गरे ।