कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको कार्यकारी निर्देशकमा डा. सुरेश आचार्य

काठमाडौँ– नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको कार्यकारी निर्देशकमा डा.सुरेश आचार्य नियुक्त भएका छन् ।

सोमबार कांग्रेसले एक विज्ञप्ति जारी गर्दै आचार्यलाई नियुक्त गरिएको जानकारी दिएको हाे । विज्ञप्ति अनुसार प्रतिष्ठानका  प्रमुख तथा उपसभापति पूर्णबहादुर खड्काले आचार्यलाई नियुक्त गरेका हुन् । 

---

‘नेपाली कांग्रेसका उपसभापति एवं केन्द्रीय नीति, अनुसन्धान तथा प्रशिक्षण प्रतिष्ठानका प्रमुख श्री पूर्णबहादुर खड्काले नेपाली कांग्रेसको विधान, २०१७ (संशोधन सहित) को धारा ३६ तथा नेपाली कांग्रेसको नियमावली, २०७६ को परिच्छेद १२, नियम ३३ बमोजिम गठित केन्द्रीय नीति, अनुसन्धान तथा प्रशिक्षण प्रतिष्ठानको कार्यकारी निर्देशकको पदमा सिन्धुलीका डा. सुरेश आचार्यलाई नेपाली कांग्रेसको विधान, २०१७ (संशोधन सहित) को धारा ३६ (घ) बमोजिम नियुक्त गर्नु भएको छ,’ विज्ञप्तिमा लेखिएको छ । 

नेपाल पत्रकार महासंघका पूर्व अध्यक्ष डा. आचार्य विगत लामो समयदेखि पत्रकारिता क्षेत्रमा सक्रिय रहँदै आएका थिए ।