एमाले कोशी प्रदेशको संसदीय दलको उपनेतामा राना, सचेतकमा राई

विराटनगर- नेकपा एमाले संसदीय दलको उपनेतामा राम राना चयन भएका छन् ।

कोशी प्रदेशका मुख्यमन्त्री एवं एमाले संसदीय दलका नेता हिक्मतकुमार कार्कीले दलको उपनेतामा प्रदेश सभा सदस्य रानालाई चयन गरेको जानकारी दिए ।
राना इलामको प्रदेश सभा क्षेत्र नम्बर २ (२) बाट दोश्रो पटक निर्वाचित भएका हुन् ।

---

प्रदेश सभाको पहिलो कार्यकालमा राना तत्कालीन प्रदेश १ सरकारको भूमि व्यवस्था, कृषि तथा सहकारी मन्त्री समेत भएका थिए । राना कोशी प्रदेश नामकरणको प्रस्तावमा प्रस्तावक थिए ।

त्यसैगरी दलको सचेतकमा प्रदेश सभा सदस्य सिर्जना राई चयन भएकी हुन् ।

राई भोजपुरबाट समानुपातिक सभा सदस्य हुन् । उनी यसअघि उपसभामुख पदका लागि आकांक्षी थिइन् ।