सरकारले ल्याएको बजेट कार्यान्वयनको सम्भावना छैन : पूर्व अर्थमन्त्री पौडेल

काठमाडौँ- पूर्व अर्थमन्त्री विष्णुप्रसाद पौडेलले सरकारले ल्याएको बजेट कार्यान्वयनको सम्भावना नभएको बताएका छन् । सोमबार बजेट सार्वजनिक भएपछि संसद् भवनमा संक्षिप्त प्रतिक्रिया दिँदै पूर्व अर्थमन्त्री पौडेलले सरकारले ल्याएको बजेट कार्यान्वयन हुने सम्भावना नदेखिएको बताएका हुन् ।

उनले बजेटले संकटमा रहेको अर्थतन्त्रलाई समाधानको दृष्टिकोण पनि दिन समेत नसकेको जिकिर गरे । उनले चलनचल्तीका कार्यक्रम घोषणा गर्ने बाहेक बजेटले केही गर्न नसकेकोभनाइ राखे । उनले आम नेपाली जनतामा आशा र भरोसा दिन पनि नसक्ने बताए ।

---

पूर्वअर्थमन्त्री पौडेलले अर्थतन्त्र देखिएको संकट र मन्दीको अवस्थालाई जुन उचाइबाट समाधान दिनुपर्ने थियो त्यस हिसाबले बजेट आउन नसकेको धारणा व्यक्त गरे ।

उनले राजश्व परिचालनको दृष्टिकोणले चालु आर्थिक वर्षमा दर्दनाक अवस्था रहेको भन्दै आगामी वर्षको बजेटले पनि लक्ष्य अनुसार राजश्व परिचालन, पुँजीगत खर्च, लगानी र ६.५ प्रतिशतको आर्थिक वृद्धिको लक्ष्य समेत पूरा गर्न नसक्ने बताए ।