विचारबिनाको विचार बोकेर आयौँ भन्ने पार्टीहरूको लहर चलेको छ : ओली

काठमाडौँ- नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले विचारबिनाका पार्टीहरूको लहर चलेको बताएका छन् । बिहीबार मदन भण्डारीको ७२ औं जन्मजयन्तीको अवसरमा आयोजित कार्यक्रमलाई सम्बोधन गर्दै उनले यस्तो बताएका हुन् ।

उनले राजनीतिक पार्टीहरू समाजलाई कसरी अघि बढाउने भन्ने विचार बोकेर अघि बढ्ने भए पनि अहिले विचार नचाहिने पार्टीहरूको लहर चलेको जिकिर गरे । उनले विचारबिनाको विचार बोकेर आयौँ भन्ने पार्टीहरूको लहर चलेको बताए ।

---

अध्यक्ष ओलीले राजनीतिक दल र नेताहरूले गरेको योगदानको चर्चा र स्मरण गर्न नसकिएको बताए । उनले आफ्ना अभिभावकको योगदानको कदर गर्ने परिपाटीको अन्त्य हुँदै गएको उल्लेख गरे ।

मौलिकताबिनाको आन्दोलनहरू सफल हुन नसक्ने पनि अध्यक्ष ओलीकाे भनाइ छ ।