काठमाडौँ– नेपाली कांग्रेसले आगामी एक वर्षमा ५ देखि ७ लाख नयाँ सदस्य थप्ने लक्ष्य राखेकाे छ । यसका लागि कांग्रेसले 'घरघर जाऔँ पार्टी सदस्य बनाऔँ' भन्ने अभियान सुरु गर्ने प्रस्ताव ल्याएको छ । 

पार्टीको केन्द्रीय कार्यालय, सानेपामा मंगलबार सुरु भएको केन्द्रीय कार्यसमितिको बैठकमा महामन्त्री गगन थापाले यस्तो प्रस्ताव गरेका हुन् । महामन्त्री थापाले आगामी ३१ असार २०८१ सम्म अभियान सञ्चालन गरेर ५ देखि ७ लाख सदस्य थप्ने प्रस्ताव पेस गरेका हुन् । 

---

 ‘कम्तीमा ५ लाखदेखि ७ लाख नयाँ सदस्य बनाउने उद्देश्यले यो अभियान प्रारम्भ गरिनेछ,’ महामन्त्री थापाले केन्द्रीय समितिको बैठकमा भने ।