पूर्णपाठसहित
भ्रातृ संघको तदर्थ समिति भदौ १५ भित्र र अधिवेशन ६ महिनाभित्र गर्न महामन्त्री थापाको प्रस्ताव
काठमाडौँ– नेपाली कांग्रेसका महामन्त्री गगन थापाले भ्रातृ संघको तदर्थ समिति भदौ १५ गतेभित्र र अधिवेशन ६ महिनाभित्र गर्न प्रस्ताव गरेका छन् । मंगलबार कांग्रेस केन्द्रीय कार्यालय, सानेपामा बसेको बैठकमा महामन्त्री थापाले यस्तो प्रस्ताव गरेका हुन् ।
महामन्त्री थापाले नेपाल प्रजातन्त्र सेनानी संघ, नेपाल भूतपूर्व सैनिक संघ, राष्ट्रिय लोकतान्त्रिक अपाङ्ग संघ, नेपाल मुस्लिम संघ, नेपाल ठाकुर संघ र नेपाल दलित संघको तदर्थ समिति भदौ १५ गतेभित्र बनाउने प्रस्ताव राखेका हुन् ।
म्याद सकिएर तदर्थ समिति बने पनि समितिले पूर्णता नपाएका नेपाल विद्यार्थी संघ लगायतका भ्रातृ संगठनलाई भने ६ महिनाभित्र अधिवेशन गरिसक्ने प्रस्ताव पेस गरेका छन् । यी संस्थालाई पनि भदौ १५ गतेसम्ममा पूर्णता दिने थापाको प्रस्ताव छ ।
यस्तै कांग्रेसका विभागहरूलाई भदौ १५ सम्ममा पूर्णता दिइसक्न पनि महामन्त्री थापाले प्रस्ताव गरेका छन् । महामन्त्री थापाले आगामी एक वर्षमा ५ देखि ७ लाख नयाँ सदस्य थप्ने प्रस्ताव पनि पेस गरेका छन् ।
यस्तो छ, महामन्त्री थापाले केन्द्रीय कार्यसमितिको समितिको बैठकमा पेस गरेको प्रस्तावको पूर्णपाठ:
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया