महामन्त्रीको प्रतिवेदन एनजीओको 'विस लिस्ट' जस्तो लाग्यो : आरजु देउवा

काठमाडौँ–नेपाली कांग्रेसकी केन्द्रीय सदस्या आरजु देउवा राणाले पार्टी महामन्त्रीले ल्याएको प्रस्ताव एनजीओको विस लिस्टजस्तो भएको टिप्पणी गरेकी छिन् । शुक्रबार सानेपामा जारी कांग्रेसको केन्द्रीय कार्यासम्पादन समितिको बैठकमा बोल्दै उनले महामन्त्रीको प्रस्तावबारे यस्तो टिप्पणी गरेकी हुन् । 

‘नेपाली कांग्रेस भनेको नेपाल देशको अजेन्डा सेट गर्ने पार्टी हो,’ उनले भनिन्, ‘देश कतातिर जाने ? यहाको राजनीति कस्तो हुने ? यहाँको अर्थतन्त्र कस्तो हुने ? यहाँको समाज कस्तो हुने भन्ने अजेन्डा सेट गर्ने काम जहिले पनि नेपाली कांग्रेसले गरेको छ । तर यो पालीको महामन्त्रीको प्रतिवेदनमा त्यस्तो दुरगामी असर पर्ने वा हाम्रो देशलाई हाँक्ने जस्तो केही मैले देखिनँ ।’

---

उनले अगाडि भनिन्, ‘म अलि अचम्मित पनि भएँ किनभने मैले महामन्त्रीको प्रतिवेदन भनेको राजनीतिक दस्तावेज हुन्छ होला भनेको सोचेको थिएँ । तर राजनीतिक दस्तावेज भन्दा पनि एनजिओको विस लिस्ट जस्तो छ । धेरै कार्यक्रम गर्ने । तर त्यो कार्यक्रमको उपलब्धि के हो त्यो भएन ।’

उनले तीन चार वटा कार्यक्रम गर्न तर ठोस कार्यक्रम गर्न पनि सुझावसमेत दिइन् ।