कांग्रेस बैठकमा गोपालमानको प्रश्न : खाणलाई थुनामा पठाउँदा किन रोकिएन ?

काठमाडौँ– नेपाली कांग्रेस नेता गोपालमान श्रेष्ठले नेता बालकृष्ण खाणलाई थुनामा पठाउँदा कांग्रेसले नरोकेको भन्दै गुनासो व्यक्त गरेका छन् ।

शुक्रबार सानेपामा जारी कांग्रेसको केन्द्रीय कार्यसम्पादन समितिको बैठकमा बोल्दै उनले यस्तो गुनासो व्यक्त गरेका हुन् । ‘एउटा साथी पुर्पक्षमा थुनिएको छ । त्यहाँ पुग्नबाट उसलाई रोक्न सकिन्थ्यो । किन रोकिएन ?’ उनले भने, ‘त्यो साथीलाई किन रोक्न सकिएन । उहाँले गल्ती गरे नगरेको भनेर अदालतको निर्णय आएकै छैन । पूर्पक्षमा जसलाई पनि राख्न सकिन्छ । दोषी ठान्न भएन । उहाँका बारेमा यसरी छलफल नगरौं ।’ 

---

खाणको दोष प्रमाणित भइ नसकेको भन्दै उनी निर्दोष भएर आउनेमा समेत श्रेष्ठले दाबी गरे ।

मंगलबारबाट चलिरहेको कांग्रेसको केन्द्रीय कार्यसम्पादन समितिको बैठक चलिरहेको छ । बैठकमा केन्द्रीय सदस्यहरूले आआफ्ना विचार राखिरहेका छन् ।