खाणको बचाउ गर्दै उपाध्यायले भनिन् : आफ्नै साथीमाथि आरोप लाग्दा पक्षमा उभिने कि नउभिने ?

काठमाडौँ– नेपाली कांग्रेसकी सहमहामन्त्री डिना उपाध्यायले पार्टीको कुनै नेतामाथि आरोप लाग्दा त्यसको बचाउनमा उभिनुपर्ने टिप्पणी गरेकी छन् । 

कांग्रेसको केन्द्रीय कार्यालय सानेपामा जारी केन्द्रीय कार्यसमिति बैठकमा बोल्दै उनले पार्टीका साथीलाई कुनै आरोप लागेमा पक्षमा उभिने कि नउभिने भन्ने प्रश्न गरिन् ।

---

कांग्रेस नेता तथा पूर्वगृहमन्त्री खाणको नाम नलिई बचाउनमा उनले भनिन्, ‘आफ्नै साथी त्यहाँ पर्दै गर्दा पक्षमा उभिने कि नउभिने ? जिल्लामा कुनै साथीलाई कुनै आरोप लाग्दा पक्षमा उभिने कि नउभिने ?’

अदालतमा विचाराधीन मुद्दालाई बहसको विषय बनाइनु नहुने उनले तर्क गरिन् । 

कांग्रेसको केन्द्रीय कार्यसमिति बैठक जारी छ । करिब एक वर्षपछि बसेको बैठकको आज पाँचौँ दिन हो । आज पनि विभिन्न केन्द्रीय सदस्यहरूले आफ्नो धारणा राखिरहेका छन् ।