समाजवादी मोर्चाले आज विद्यार्थीको मोर्चा घोषणा गर्दै

काठमाडौँ- ​समाजवादी मोर्चामा आवद्ध दलका विद्यार्थीहरूले समाजवादी विद्यार्थी मोर्चा गठन गरेका छन् । समाजवादी मोर्चाले आज विद्यार्थी मोर्चा घोषणा गर्दैछ । च्यासलस्थित हिमालयन कलेज अफ इन्जिनियरिङमा  विद्यार्थी मोर्चाको घोषणाका लागि कार्यक्रम तय भएको छ ।

 प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को प्रमुख आतिथ्यमा ‘समाजवाद र समाजवादी शिक्षाका आधार’ विषयक कार्यक्रमका साथ विद्यार्थीको मोर्चा घोषणा हुन लागेको हो ।

---

उक्त कार्यक्रमलाई नेकपा (एकीकृत समाजवादी)का अध्यक्ष माधवकुमार नेपाल, जनता समाजवादी पार्टी (जसपा) नेपालका अध्यक्ष उपेन्द्र यादव र नेकपाका महासचिव नेत्रविक्रम चन्द ‘विप्लव’लगायतका नेताहरूले सम्बोधन गर्ने भएका छन् ।