मंगलबारबाट सुरु हुने एकीकृत समाजवादीको केन्द्रीय समिति बैठकको तयारी पूरा

काठमाडौँ- नेकपा एकीकृत समाजवादीले मंगलबारबाट सुरु हुने पार्टीको केन्द्रीय समिति बैठकको तयारी पूरा गरेको छ ।

पार्टी कार्यालय आलोकनगरमा दुई दिनसम्म बसेको पार्टीको पोलिटब्यूरो समिति बैठकले केन्द्रीय समितिको तयारी पूरा गरेको उपमहासचिव जगन्नाथ खतिवडाले जानकारी दिए ।

---

वर्तमान राजनीतिक परिस्थिति र पार्टीका आगामी कार्यभारको एजेण्डासहित मंगलबार केन्द्रीय समिति सुरु हुने उनले बताए । बैठकको समापन गर्दै अध्यक्ष माधवकुमार नेपालले आफूहरूले गरेको विद्रोह औचित्यपूर्ण रहेको बताएका थिए ।

आफूहरूले विद्रोह गरेर संविधान, संघीयता र संसदको रक्षा गरेको भन्दै अध्यक्ष नेपालले अहिले पनि अग्रगमनलाई जोगाउन आफूहरूको भूमिका महत्वपूर्ण देखिएको बताएको खतिवडाले जानकारी दिए ।

खतिवडाले अहिले पार्टी नेतृत्वको बारेमा कुनै छलफल नभएको जिकिर गरे ।