खम्मबहादुर खाती कांग्रेसको निर्वाचन समितिको संयोजकमा नियुक्त

काठमाडौँ– नेपाली कांग्रेसका सभापति शेरबहादुर देउवाले  कांग्रेसको निर्वाचन समितिको संयोजकमा खम्मबहादुर खातीलाई नियुक्त गरेका छन् ।

यसअघि महान्यायाधिवक्ता समेत गरेका खातीलाई मंगलबार देउवाले संयोजकमा नियुक्त गरेको कांग्रेसले विज्ञप्तिमार्फत जनाएको छ ।  

---

यस्तै कांग्रेस केन्द्रीय सदस्य आनन्दप्रसाद ढुंगानाको संयोजकत्वमा गठित केन्द्रीय अनुशासन समितिमा ४ जना सदस्य मनोनयन गरेका छन् । देउवाले ईश्वरी न्यौपाने, ध्रुव वाग्ले, सञ्जयकुमार गौतम र राजीव कोइरालालाई अनुशासन समितिको सदस्यमा मनोनयन गरेका हुन् ।