राजतन्त्रको पुर्नस्थापना र हिन्दु राष्ट्रको माग राख्दै राप्रपा नेपालको प्रदर्शन

काठमाडौँ - समृद्ध हिन्दु अधिराज्य स्थापनाका लागि दवाव दिन भन्दै कमल थापा नेतृत्वको राष्ट्रिय प्रजातन्त्र पार्टी नेपालले काठमाडौंमा प्रदर्शन गरेको छ । 

संवैधानिक राजतन्त्रको पुर्नस्थापना, हिन्दु राष्ट्रको माग राख्दै राप्रपा नेपालले शुक्रबार काठमाडौंको भद्रकालीदेखि भृकुटीमण्डपसम्म प्रदर्शन गरेको हो ।

---

संघीयताको खारेजी तथा भ्रष्टाचारको विरोधमा राप्रपा नेपालले काठमाडौंमा प्रदर्शन गर्न लागेको हो । राप्रपाले संघीय गणतन्त्रको नाममा भ्रष्ट व्यवस्था कायम भएकाले त्यसको अन्त्य हुनुपर्ने र संघीयता खारेज हुनुपर्ने जनाएको छ ।

राप्रपा नेपालका अध्यक्ष कमल थापाले देशका हाल कायम रहेको व्यवस्थाले भ्रष्टाचार मौलाएकाले यसको अन्त्य हुनुपर्ने बताए । उनले गौंहत्याको अन्त्य र सुशासन स्थापनाका लागि जनआन्दोलनको घोषणा गरेको र त्यसै सिलसिलामा विरोध र्‍यालीको आयोजना गरिएको जिकिर गरे । 

प्रदर्शनमा सहभागीहरुले हिन्दु राष्ट्र कायम गर, संघीयता खारेज गर, राजसंस्था पुनस्थापना गर लगाएतका नारा लगाएका थिए ।