कांग्रेस कस्तो बन्ने ? को बन्नेभन्दा महत्वपूर्ण प्रश्न समाजको असन्तुष्टि हो : विश्वप्रकाश शर्मा

काठमाडौँ– नेपाली कांग्रेसका महामन्त्री विश्वप्रकाश शर्माले अहिले कांग्रेस कस्तो बन्ने ? कांग्रेमा को बन्ने भन्दा बढी महत्वपूर्ण प्रश्न  समाजको असन्तुष्टि रहेको बताएका छन् । मंगलबार ट्वीट गर्दै उनले समाजको असन्तुष्टिमा आफूहरू कति दोषी हो ? भन्ने प्रश्न महत्वपूर्ण भएको बताएका हुन् ।

‘समाजमा किन असन्तुष्टि छ ?, हामी त्यसमा कति दोषी छौँ ?,’ शर्माले लेखेका छन्, ‘ ‘वितृष्णा चिर्दै नवीन आशा र नयाँ विश्वासको लहर सिर्जना कसरी गर्न सकिन्छ, महासमिति बैठकमार्फत यी प्रश्नको निरूपणले देश र कांग्रेसलाई पनि मार्ग दिन्छ ।’

---

महामन्त्री शर्माले समय चेत बुझ्न, हाँक्न सक्ने सभापति र अबको प्रधानमन्त्री खोज्ने बहसलाई विमर्शको केन्द्र बनाएर सबैले तार्किक निष्कर्ष खोज्नुपर्ने समेत बताएका छन् । 

आफू महासमिति बैठककै तयारीमा जुटेको र महामन्त्रीले संयोजन गर्नुपर्ने विषयहरू प्रति सजग रहेको पनि उनले जानकारी दिए । ‘अहिलेको समय महासमितिबाट नीति, गति र मतिउपर साझा दृष्टि निर्माणको समय हो,’ शर्माले लेखेका छन्, ‘यो कर्ममा महामन्त्रीले संयोजन र सम्पादन गर्नुपर्ने विषयप्रति म सजग छु । रहनेछु ।’
 

 

काँग्रेस कस्तो बन्ने र काँग्रेसमा को बन्ने ?
भन्दा महत्त्वपूर्ण प्रश्न-

* समाजमा असन्तुष्टि किन छ,
* हामी त्यसमा कति दोषी छौं,
* वितृष्णा चिर्दै नवीन आशा र नयाँ विश्वासको लहर सृजना कसरी गर्न सकिन्छ l
( `महासमिति´ मार्फत यी प्रश्नको निरुपणले देशलाई मार्ग दिन्छ र काँग्रेसलाई पनि )

— Bishwa Prakash शर्मा (@bishwaprakash77) September 19, 2023