समाजवादी मोर्चाको सन्देशसभा आज धनगढीमा, शीर्ष नेताले सम्बोधन गर्ने

काठमाडौँ– कम्युनिस्ट घटकहरूको समाजवादी मोर्चाले आज कैलालीमा आमसभा गर्दैछ । सभा दिउँसो साढे १ बजे कैलालीको धनगढीमा हुँदैछ । 

सभालाई सम्बोधन गर्न माओवादी अध्यक्ष तथा प्रधानमन्त्री पुष्पकमल दाहाल 'प्रचण्ड', नेकपा (एकीकृत समाजवादी) का अध्यक्ष तथा पूर्वप्रधानमन्त्री माधवकुमार नेपाल, नेकपाका महासचिव नेत्र विक्रम चन्द विप्लव र जसपा अध्यक्ष उपेन्द्र यादव उपस्थित हुनेछन् । 

---

समाजवादी मोर्चाले सुरुमा पहिलोपटक भदौ १३ गते र दोस्रोपटक भदौ २६ गते सभा आयोजना गर्ने निधो गरेको थियो । तर, ती दुवै मितिमा सभा हुन सकेको थिएन ।