देशको समृद्धिका लागि वामपन्थी दलबीच एकता हुनुपर्छ : झलनाथ खनाल

ललितपुर- पूर्व प्रधानमन्त्री तथा नेकपा (एकीकृत समाजवादी) का सम्मानित नेता झलनाथ खनालले देशको समृद्धि र राजनीतिक स्थिरताका लागि वामपन्थी दलहरूबीचको एकता अपरिहार्य रहेको बताएका छन् । 

शुक्रबार पत्रकार अमृतनाथ तिमल्सिनाले खेलेको समृद्धि सराेकार नामक पुस्तकको विमोचन गर्दै नेता खनालले ललितपुर जिल्लाका वामपन्थी नेताहरूलाई साक्षी राखेर एकताको कुरा गरेको भन्दै उनले ललितपुरबाटै यसको पहलकदमी हुन जरुरी रहेको बताए । 

---

उनले पुस्तकका लेखकले विधि, विकासको अभ्यास र प्रणालीका बारेमा चिरफार गरेको भन्दै समृद्धि यात्रामा लेखकले सुझाएका विषय महत्वपूर्ण भएको समेत बताए । 

पुस्तक विमोचन समारोहमा बोल्दै नेकपा माओवादी केन्द्रकी उपाध्यक्ष पम्फा भुसालले तिमल्सिनाले लेखेको पुस्तकमा समृद्धिका सम्भावना र चुनौतीका विषयमा समेत चिरफार गरिएको भन्दै यसले राजनीतिक दलहरूलाई समेत योजना बनाउन र कार्यान्वयन गर्न सहज पार्ने बताइन् ।