सरकारविरुद्ध तीनकुनेमा युवा संघको प्रदर्शन

काठमाडौँ - नेकपा एमाले निकट युवा संघले काठमाडौंको तीनकुनेमा सरकारकाविरुद्ध प्रदर्शन गरेको छ ।

प्रदर्शनमा नेकपा एमालेका नेता महेश बस्नेत लगायत युवासंघका नेता, कार्यकर्ताहरू रहेका छन् । युवा संघका नेता कार्यकर्ताहरूले पार्टीको झण्डासहित तीनकुनेमा विरोध प्रदर्शन गरेका छन् ।

---

उनीहरूले भ्रष्टाचार, अपराध लगायतका बेथिति विरुद्ध नारा लेखिएका प्लेकार्डहरू बोकेर विरोध जनाएका छन् । सहभागी प्रदर्शनकारीहरूले अति भयो अन्याय र अत्याचार, कति सहने राज्य आतंक ? गणतन्त्र विरोधीहरु होसियार लगायतका प्लेकार्ड र ब्यानर बोकेर विरोध जनाएका छन् ।