दुर्गा प्रसाईं भन्छन् : प्रहरीले मलाई निवासमा नजरबन्दमा राख्याे

काठमाडौँ- राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंले प्रहरीले आफूलाई निवासमा नजरबन्दमा राखेको बताएका छन् ।

शुक्रबार भक्तपुरस्थित निवासमा पत्रकार सम्मेलन गर्दै प्रसाईंले प्रदर्शनका लागि आफूलाई प्रहरीले बाहिर जान नदिएको र घरमा नै नजरबन्दमा राखेको बताएका हुन् । प्रहरी लगाएर राज्यले आफूलाई जहाँ लगेर थुने पनि आफ्नो नागरिकका लागि आफ्नो अभियान नरोकिने उनले बताए ।

---

प्रसाईंले आफ्नो अभियानलाई सफल बनाउन आह्वान समेत गरे ।

गणतन्त्रविरोधी अभियानलाई तीव्रता दिएपछि प्रशासनले प्रसाईंको निवास बाहिर ठूलो संख्यामा सुरक्षाकर्मी तैनाथ गरेको छ ।