दुर्गा प्रसाईंका समर्थकमाथि भएकाे धरपकडमा राप्रपा अध्यक्षको आपत्ति

काठमाडौँ- मेडिकल व्यवसायी दुर्गा प्रसाईंको नेतृत्वमा भएको आन्दोलनमा सहभागीमाथि भएको प्रहरी धरपकडको विरोध भएको छ ।

राप्रपा अध्यक्ष राजेन्द्र लिङ्देनले आज भइरहेका प्रहरी धरपकडप्रति आपत्ति जनाएका छन् । 

---

‘शान्तिपूर्ण ढङ्गले हिँड्डुल गर्न,भेला हुन र विरोध प्रदर्शन गर्न पाउने जनताको मौलिक हकविपरीत आज काठमाडौँमा भइरहेको धरपकड र नजरबन्द जस्ता घटनाहरू अलोकतान्त्रिक तथा जनताको मौलिक हकविरुद्धका काम हुन्,’ अध्यक्ष लिङ्देनले सामाजिक सञ्जालमार्फत भनेका छन्, ‘धरपकड र कुनै पनि प्रकारको दमनले समस्याको समाधान निस्कँदैन, सरकारले आफूलाई तत्काल सच्याओस् ।’ 

हिजो बिहीबारदेखि प्रसाईंले ‘व्यवस्था विरोधी’ आन्दोलनको सुरुवात गरेका छन् ।