एनसेलको सेयर खरिदबिक्री प्रकरणको अनुसन्धान गरी दोषीलाई कारबाही गर्न जसपाकाे माग​

काठमाडौँ- जनता समाजवादी पार्टी (जसपा) ले एनसेलको सेयर खरिदबिक्री प्रकरणको अनुसन्धान गरी दोषीलाई कारबाही गर्न माग गरेको छ ।

पार्टी कार्यालय बालकुमारीमा सोमबार बसेको जसपा केन्द्रीय कार्यकारिणी समितिको बैठकले एनसेलको सेयर खरिदबिक्री प्रकरण मुलुकको हितविपरीत भएको भन्दै खरिदबिक्री प्रकरणको अनुसन्धान गरी दोषीलाई कारबाही गर्न माग गरेको जसपा प्रवक्ता मनिष सुमनले जानकारी दिए ।

---

बैठकले पार्टी विधानविपरीत काम नगर्न निर्देशन दिएको छ भने पुषको २५ र २६ गते राजनीतिक समिति तथा २७ गते केन्द्रीय समितिको बैठक बोलाउने निर्णय गरेको प्रवक्ता सुमनले बताए । त्यस्तै बैठकले सदनमा दर्ता भएको चुरे उत्खननसम्बन्धी विधेयक फिर्ता लिन माग गर्ने निर्णय गरेको पनि उनले बताए ।

बैठकमा तीन महिने संगठन विस्तार तथा सुदृढीकरण अभियानको समीक्षा भएको नेताहरूले जनाएका छन् ।