दुर्गा प्रसाईंजस्ता स्यालको हुइँय्या अबका केही दिनमा समाप्त हुन्छ : पाण्डे

काठमाडौँ- नेकपा (एकीकृत समाजवादी) का नेता सोमप्रसाद पाण्डेले दुर्गा प्रसाईंजस्ता स्यालको हुइँय्या अबका केही दिनमा समाप्त भएर जाने दाबी गरेका छन् । रफत सञ्चार क्लबले मंगलबार भक्तपुरमा आयोजना गरेको सञ्चार-संवाद कार्यक्रममा नेता पाण्डेले संघीय लोकतान्त्रिक गणतन्त्रको कुनै विकल्प नभएको बताउँदै यस्ताे दाबी गरेका हुन् ।

कार्यक्रममा पाण्डेले सरकारले जनताको भावनाअनुसार अझै पनि काम गर्न नसकेको जिकिर समेत गरे ।​​ उनले वर्तमान सरकार गठन भएको ११ महिना हुँदा पनि जनताको भावना अनुसार अझै पनि काम गर्न नसकेको बताए ।

---

विगत ११ महिनामा गठबन्धन सरकारले मुलुकको विकासका लागि नीतिगत काम गरेको भएता पनि सरकारले आगामी दिनमा फड्को मार्ने काम गर्नुपर्ने उनले बताए । उनले संविधानमा ल्याइएको अधिकारहरूलाई कार्यान्वयन गर्दै मुलुकलाई समृद्ध मुलुक बनाउनुपर्ने धारणा राखे ।