कांग्रेस बागमती प्रदेश सम्मेलन शनिबार काठमाडौँमा

काठमाडौँ- नेपाली कांग्रेसको प्रथम बागमती प्रदेश सम्मेलन पुस ७ गते काठमाडौँमा हुने भएको छ । शुक्रबार काठमाडौँमा पत्रकार सम्मेलन गरी सो बारेमा जानकारी गराएको हो ।

पत्रकार सम्मेलनमा बोल्दै नेपाली कांग्रेस बागमती प्रदेशका प्रवक्ता तिलक दुवाडीले नेपाली कांग्रेस बागमती प्रदेशको प्रदेश सम्मेलन पौष ७ गते शनिबार काठमाडौँमा हुने बताए । उनले सम्मेलनको पार्टी केन्द्रीय सभापति शेरबहादुर देउवाले उद्घाटन गर्ने बताए ।

---

उनले भने, ‘नेपाली कांग्रेस बागमती प्रदेशको ऐतिहासिक प्रदेश सम्मेलन नेपाली कांग्रेसका श्रद्धेय सभापति एवं शेरबहादुर देउवाजीको प्रमुख आतिथ्यता र नेपाली नेपाली कांग्रेस बागमती प्रदेश सभापति इन्द्रबहादुर बानियाँको सभापतित्वमा २०८० साल पौष ७ गते शनिबार बिहान ८ः३० बजे समुद्घाटन हुनेछ ।’

कांग्रेसले यसअघि लुम्बिनी, गण्डकी र मधेश प्रदेशको प्रदेश अधिवेशन गरिसकेको छ ।