मैले राष्ट्रिय सभा निर्वाचनमा उम्मेदवार हुन खोजेको भन्ने कुरामा सत्यता छैन : अग्नी सापकोटा

काठमाडौँ- पूर्वसभामुख एवं नेकपा (माओवादी केन्द्र) का उपाध्यक्ष ​अग्नीप्रसाद सापकोटाले आफू राष्ट्रिय सभा निर्वाचनमा उम्मेदवार हुन खोजेको भन्ने हल्लामा कुनै सत्यता नरहेको बताएका छन् । 

बिहीबार सामाजिक सञ्जालमा एक पाेष्ट लेख्दै उनले भनेका छन्, 'राष्ट्रिय सभा निर्वाचनमा उमेदवार हुन खोजेको भन्ने कुरामा कुनै सत्यता नरहेको सबैमा प्रष्ट पार्न चाहन्छु ।'

---

सापकोटाले यसै पोष्टमार्फत कान्तिपुर टेलिभिजनबाट आज साँझ ८ बजे प्रसारित समाचारमा राष्ट्रिय सभाको निर्वाचनमा उम्मेदवार हुन रुचि राखेको भनी आफ्नो नाम जोडेकोमा ध्यानाकर्षण समेत भएको उल्लेख गरेका छन् ।

'कान्तिपुर टेलिभिजनबाट आज साँझ ८ बजे प्रसारित समाचारमा राष्ट्रिय सभाको निर्वाचनमा उम्मेदवार हुन रुचि राखेको भनी मेरो नाम जोडेकोमा ध्यानाकर्षण भएको छ,' उनले भनेका छन् ।