‘संसदमा केपी शर्मा ओली’ लोकार्पण

काठमाडौँ-  ‘संसदमा केपी शर्मा ओली’ नामक पुस्तक लोकार्पण गरिएको छ ।

मंगलबार काठमाडौँमा आयोजित एक कार्यक्रममा पूर्व राष्ट्रपति विद्या भण्डारीले नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले संसदमा गरेको सम्बोधनलाई संकलन गरेर प्रकाशित गरिएको उक्त पुस्तक लोकार्पण गरेकी हुन् ।

---

पुस्तकमा २०४८ देखि २०७४ सालसम्म ओलीले सम्बोधन गरेका विषय समावेश गरिएको लेखक सानीमैया खड्काले जानकारी दिइन् । २०४८ सालदेखि २०७४ सालसम्म ओलीले संसदका २३ वटा अधिवेशनमा भाग लिएको पनि पुस्तकमा उल्लेख छ । 

एमाले अध्यक्ष ओली, महासचिव शङ्कर पोखरेल, नेपाल प्रज्ञा प्रतिष्ठानका पूर्वकूलपतिहरू वैरागी काइला र गङ्गाप्रसाद उप्रेती, लेखक पुरुषोत्तम दाहाललगायतको सहभागितामा भएको कार्यक्रममा ओलीका जनता र देश केन्द्रित विचार र पहलको प्रशंसा गरिएको थियो ।