लामो इतिहास बोकेको कांग्रेसले संसदमा देखाएका प्रस्तुति आलोकाँचो : महेश बर्तौला

काठमाडौँ- नेकपा एमालेका प्रमुख सचेतक महेश बर्तौलाले लामो इतिहास बोकेको कांग्रेसले संसदमा देखाएका प्रस्तुति आलोकाँचो रहेको बताएका छन् ।

मंगलबार संसद् भवन परिसरमा सञ्चारकर्मीको जिज्ञासामा बर्तौलाले यसले संसदको मूल्यमान्यतालाई जीवन्त तुल्याउन नसक्ने जिकिर गरे । उनले संसदीय छानबिन समितिको माग राजनीतिक पूर्वाग्रह र सरकारभन्दा बाहिर रहनुको छट्पटहाटमात्रै रहेको उल्लेख गरे ।

---

कांग्रेसले आफ्नो प्रस्तुतिलाई सच्याउँदै सरकारलाई काम गर्न दिने वातावरण बनाउनुपर्ने उनको भनाइ छ ।

यस्तै माओवादी केन्द्रका नेता जनार्दन शर्माले गृहमन्त्रीका बारेमा प्रधानमन्त्रीले जवाफ दिइसकेको भन्दै यस विषयमा कांग्रेस सहमतिमा आउने दाबी गरे ।​

प्रतिपक्षको थप कार्यक्रम नबुझीकन केही भन्न नसकिने भन्दै उनले यस घटनाले नयाँ मोड लिनसक्ने बताए ।