उपनिर्वाचनमा काँग्रेस पहिलो पार्टी हुने विश्वप्रकाशको दाबी

काठमाडौँ - नेपाली काँग्रेसका महामन्त्री विश्वप्रकाश शर्माले उपनिर्वाचनमा काँग्रेस पहिलो पार्टीको रुपमा प्रकट हुने दाबी गरेका छन् । 

आइतबार कीर्तिपुर नगरको प्रमुख पदका आफ्ना पार्टीका उम्मेदवारले मनोनयन दर्ता गराएपछि सञ्चारकर्मीसँग कुरा गर्दै शर्माले देशभरको तथ्य हेर्दा उपनिर्वाचनमा काँग्रेस पहिलो पार्टीको रुपमा प्रकट हुने देखिएको बताएका हुन् ।

---

मतदाताले दिएको मतलाई काँग्रेसले सदैव सम्मान गर्ने भन्दै उनले अधिकांश स्थानमा काँग्रेसकै जीत हुने जिकिर गरे । उनले अहिलेको लोकतान्त्रिक प्रणालीलाई बलियो बनाउन र स्थानीय तहलाई जनमुखी बनाउन पनि काँग्रेसले महत्पूर्ण भूमिका खेलेको बताए । 

उनले प्रधानमन्त्रीलाई जिम्मेवारीपूर्वक काम गर्न सकारात्मक दबाब दिन पनि मतदाताले काँग्रेस उम्मेदवारलाई जिताउने उल्लेख गरे ।