माओवादी पदाधिकारी बैठक बस्दै, उपनिर्वाचनबारे छलफल हुने

काठमाडौँ- नेकपा माओवादी केन्द्रको पदाधिकारी बैठक बस्दैछ । 

महाधिवेसनबाट पारित भएको विधानमा विवाद देखा परेपछि त्यसलाई संशोधन गर्नेदेखि आगामी केन्द्रीय समिति बैठकको तयारीबारेमा पदाधिकारी बैठकमा छलफल हुनेछ । 

---

साथै मंसिर १६ गते हुन गइरहेको स्थानीय तह उपनिर्वाचनको विषयमा छलफल गर्न बैठक बोलाइएको हो । 

पार्टी सचिव देवेन्द्र पौडेलका अनुसार बैठक बिहान ११ बजे केन्द्रीय कार्यालय, पेरिसडाँडा कोटेश्वरमा बस्नेछ । 

सो पार्टीको गत कात्तिक २६ गते बसेको पदाधिकारी बैठकले केन्द्रीय समितिको बैठक पुस २–७ गतेसम्म बस्ने निर्णय गरेको थियो ।