मुलुकलाई अघि बढाउन धेरै राजनीतिक दलहरू नभइ बलियो राजनीतिक दल हुनुपर्छ - महासचिव पोखरेल

काठमाडौँ - नेकपा (एमाले) का महासचिव शंकर पोखरेलले मुलुकलाई अघि बढाउन धेरै राजनीतिक दलहरू नभइ बलियो राजनीतिक दल हुनुपर्ने बताएका छन् । 

बिहीबार कीर्तिपुरमा एमालेले आयोजना गरेको चुनावी सभालाई सम्बोधन गर्दै पोखरेलले धेरै राजनीतिक दल र धेरै सरकार परिवर्तन हुने गर्दा मुलुक विकास हुन नसक्ने भन्दै धेरै भन्दा थोरै तर बलिया राजनीतिक दल आवश्यक रहेको बताएका हुन् । 

---

नेपालमा छिटो छिटो सरकार परिवर्तन हुने गरेकाले देश बन्न नसकेको उनले बताए । उनले ३२ सिट भएकाले म्याजिक नम्बर भन्दै सरकारको नेतृत्व गर्ने अवस्थाको अन्त्य हुनुपर्ने धारणा राखे ।  पोखरेलले देशलाई अघि बढाउनका लागि युवाहरू राजनीतिमा आउनुपर्नेमा जोड दिए । 

उनले एमाले नेतृत्वको सरकारमा पालामा युवाहरूको विदेश पलायन कम भएको तथ्याङ्कले देखाएको जिकिर गरे ।