काठमाडौँ - राष्ट्रिय प्रजातन्त्र पार्टी (राप्रपा) को जारी महाधिवेशनमा आज मनोनयन दर्ताको दिन पदाधिकारीमा १६ जनाले मनोनयन दर्ता गराएका छन् । 

अध्यक्षमा दुई, उपाध्यक्षमा आठ र महामन्त्रीमा ६ जनाले मनाेनयन दर्ता गराएका हुन् ।

---

पार्टीको निर्वाचन समितिले मनोनयन दर्ताका लागि दिएको समयावधि भित्र अध्यक्षमा कमल थापा र राजेन्द्र लिङदेन गरी दुई जनाको उम्मेदवारी दर्ता भएको छ । 

त्यस्तै उपाध्यक्षका लागि महिला कोटामा रोशन कार्की र लिलादेवी  श्रेष्ठ रहेका छन् भने जगतप्रसाद गौचन, रामचन्द्रराय यादव, विक्रम पाण्डे, ध्रुवबहादुर प्रधान, बुद्धिमान तामाङ र दुर्गादेवी श्रेष्ठसहित ८ जनाले उम्मेदवारी दर्ता गराएका छन् । 

त्यस्तै महामन्त्रीमा महिलातर्फ रेखा थापा, कुन्तीकुमारी शाहीको नाम दर्ता भएको छ भने पुरुषतर्फ धवलसमशेर राणा, श्यामप्रसाद तिमल्सिना, भुवनकुमार पाठक, भाष्कर भद्रासहित ६ जनाको उम्मेदवारी परेको छ ।