कैलाली - नेपाली काँग्रेसको १४ औ महाधिवेशन अन्तर्गत पहिलो पटक हुन गइरहेको प्रदेश अधिवेशनमा सुदूरपश्चिममा ५७ पदका लागि एक सय ८८ जनाले उम्मेद्वारी दर्ता गराएका छन् । 

निर्वाचन अधिकृत वीरबहादुर जेठाराले दिएको जानकारी अनुसार शुक्रबार साझ सम्ममा ५७ पदका लागि १८८ जनाले उम्मेदवारी दर्ता गराएका हुन् । निर्वाचन समितिले उम्मेदवारको मनोनयन पत्र दर्ता दिउँसो २ बजे देखि ४ बजेसम्म समय तोकेको भएपनी साझ ६ बजेसम्म उम्मेदवारी दर्ता गतिएको थियो ।

---

एक सभापति पदका लागि दुई जना, दुई उपसभापति पदका लागि ७ जना, दुई महामन्त्री पदका लागि ४ जना, सहमहामन्त्री २ खुलामा ७ जना र १ महिला सहमहामन्त्रीमा ४ जानाले उम्मेदबारी दर्ता गराएको निर्वाचन अधिकृत जेठाराले जानकारी दिए ।

त्यस्तै सदस्यहरुमा सबैभन्दा धेरै आकांक्षी देखिएका छन । निर्वाचन अधिकृत जेठाराका अनुसार प्रदेश सदस्य ९भुगोल जिल्ला० जिल्लाबाट ९ खुला र ९ महिला, खस आर्य खुला ६ पुरुष र ६ महिला, आदीवासी जनजातीबाट १, मधेसीबाट १ जना, दलित पुरुष २ र महिला १, थारु पुरुष २ र महिला १, मुस्लीम १ र अल्पसंख्यक वा अपाङ्गता कोटाबाट १ जना चाहिने भएका हुन् ।

मतदान शनिबार बिहान ९ बजेदेखि साझ ५ बजेसम्म हुने निर्वाचन समितिले जानकारी दिएको छ ।