काठमाडौं - नेपाली कांग्रेसका वरिष्ठ नेता रामचन्द्र पौडेल पक्षले सभापतिको साझा उम्मेदवार तय गर्न आज आफू पक्षीय केन्द्रीय सदस्यसँग छलफल गर्दैछ । १४औँ महाधिवेशनमा संस्थापनइतर समूहबाट साझा उम्मेदवार बनाउने कसरतमा रहेका नेताहरूले आज आफू पक्षीय केन्द्रीय सदस्यसँग छलफल गर्न लागेका हुन् ।  उनीहरूको बैठक नेता प्रकाशमान सिंह निवास चाक्‍सीबारीमा दिउँसो १ बजे बस्‍दै छ ।

साझा र जित्‍ने उम्मेदवार छान्‍न आकांक्षीहरूबीच छलफल हुन लागेको नेता पौडेलले बताए । केन्द्रीय सदस्यहरूको राय लिएपछि साझा उम्मेदवार छनौट गर्ने उनको भनाइ छ। 'आज हामी साझा र जित्ने उम्मेद्वार छान्दै छौ । हिजो हामी आकाक्षीहरू छलफल गर्यौँ,' नेता पौडेलले इकागजसँग भने, 'आज केन्द्रीय सदस्यहरूसँग बस्दै छौँ । उहाहरूकै रायमा साझा उम्मेद्वार छनोट गर्छौ ।'

---

सभापितका आकांक्षी पौडेलसहित, महामन्त्री डा.शशांक कोइराला, पूर्वमहामन्त्री प्रकाशमान सिंह, र केन्द्रीय सदस्य डा.शेखर कोइरालाबीच सोमबार पनि छलफल भएको थियो । पौडेल निवास बोहराटारमा भएको छलफलमा सभापतिका आकांक्षीमध्येबाट एक जनामात्र उम्मेदवार बनाउन आज केन्द्रीय सदस्यहरूसँग छलफल गर्ने सहमति भएको थियो ।