काठमाडौँ - नेपाली कांग्रेस संस्थापनइतर समूहको सभापतिमा साझा उम्मेदवार तय गर्न माग गर्दै युवाहरुले प्रदर्शन गरेका छन् । नेता प्रकाशमान सिंहको निवास चाक्सीबारीमा संस्थापनइतर समूहको बैठक बसिरहेको बेला बाहिर युवाहरुले प्रदर्शन गरेका हुन् । 

राजेन्द्र बजगाईको नेतृत्वमा टेकराज पौडेल, अर्जुन शेरचन, दक्ष पौडेल, देवेन्द्रकुमार घर्ती मगर, दिपेन्द्र श्रेष्ठ र सीता सापकोटाले प्रदर्शन गरेका हुन् । उनीहरू सबै महाधिवेशन प्रतिनिधि हुन्। 

---

साझा उम्मेदवार तय गर्न भन्दै संस्थापनइतर समूहका नेताहरुको बैठक सिंह निवासमा बसिरहेको छ । युवाहरुले 'अहिले नमिले कहिले मिल्ने', 'नेताहरु मिल्नुस कांग्रेस जोगाउनुस', 'कांग्रेस जोगाउने कि कुर्सी' लगायतका कार्ड बोकेर प्रदर्शन गरेका छन् ।