राप्रपाकाे एकतामा सहयोग हुन्छ : कमल थापा

काठमाडौँ- राष्‍ट्रिय प्रजातन्त्र पार्टीका निवर्तमान अध्यक्ष कमल थापाले पार्टी एकताको पक्षमा निरन्तर सहयोग रहने बताएका छन् । पार्टीको महाधिवेशनमा अध्यक्षबाट पराजित भएपछि मंगलबार प्रेस विज्ञप्‍ति जारी उनले महाधिवेशनले पार्टी एकताको पक्षमा सशक्त मार्गनिर्देशन गरेको बताए ।

'महाधिवेशनबाट निर्वाचित अध्यक्ष राजेन्द्र लिंगदेन लगायत सम्पूर्ण पदाधिकारी र सदस्यहरूलाई हार्दिक वधाई तथा सफल कार्यकालको निम्ति शुभकामना व्यक्त गर्दछु,' उनले नवनिर्वाचित अध्यक्ष राजेन्द्र लिङ्देनलाई शुभकामना दिंदै लेखेका छन्,' महाधिवेशन सफल तुल्याउन सहयोग गर्नुहुने सबैमा हार्दिक आभार व्यक्त गर्दछु ।'

---

मेरा अभिव्यक्तिलाई हार पछिको आक्रोशको रुपमा नबुझिदिन थापाले आग्रह गरेका छन् ।  'केन्द्रिय नेतृत्वको निर्वाचनमा निर्मल निवास र पुर्वराजा ज्ञानेन्द्रको नांगो हस्तक्षेपको भने म घोर भत्सर्ना र निन्दा गर्दछु,' उनले भने,' एउटा खेलाडी भएको नाताले हार वा जीतले मेरो लागि कुनै अर्थ राख्दैन । हारलाई पनि सहर्ष स्विकार गरेर फेरी अर्को प्रतिस्पर्धाको निम्ति तयार रहने संस्कार मेरो रगतमा रहेको छ ।'