मलाई सहयोग गरेकोमा सिटौलाजीलाई धन्यवाद :  देउवा

काठमाडौँ - नेपाली कांग्रेसका सभापति तथा प्रधानमन्त्री शेरबहादुर देउवाले सभापतिमा कृष्णप्रसाद सिटौलाले सहयोग गरेकोमा धन्यवाद दिएका छन् । आफुले उम्मेद्वारी नदिएर सुरुदेखि नै व्यक्तिगत रुपमा आफूलाई सहयोग गरेकामा देउवाले सिटौलालाई धन्यवाद दिएका हुन् ।

‘पार्टीको अधिवेशन आएको छ। यो महत्त्वपुर्न महाधिवेशन हो,’ उनले भने, ‘ सिटौलाजिलाई धन्यवाद । आफू उम्मेदवार नभएर मलाई सहयोग गर्नु भो।’ 

---

उनले देशमा फेरि कम्युनिस्टको शासन आएमा डरलाग्दो हुने पनि बताए । ओलीको शासनकालमा जनतालाई तर्साउने काम भएको भन्दै उनले अब देशभरी कांग्रेसकै सरकार बनाउने योजना रहेको पनि सुनाए ।

साथै उनले एक नम्बर र लुम्बिनीमा पनि कांग्रेसकै सरकार बन्ने दाबी गरेका छन् । पार्टी सभापति र प्रधानमन्त्री एकै व्यक्ति भए स्थायित्व हुने भन्दै उनले सभापतिमा जिताउन समेत आग्रह गरेका छन् ।