रामचन्द्र र शशांक आफ्ना भए भन्दै बालुवाटारले प्रचार गरेपछि...

काठमाडौँ- प्रधानमन्त्री पद राज्यको विशिष्ट पद हो । प्रधानमन्त्री पार्टीको नेता नै हुन्छ । प्रधानमन्त्रीको शक्ति र साम्राज्यमा पार्टी भने छिर्नुहुँदैन । तर आज मतदान हुँदै गरेको कांग्रेसी चुनावमा सत्ताको दुरुपयोग गरिएको छ । 

प्रधानमन्त्री शेरबहादुर देउवाको सचिवालयले फेसबुकमा पीएम प्रेस रुम ग्रुप बनाएको छ । त्यसमा सोमबार बिहानै प्रधानमन्त्रीका सञ्चार संयोजक गोविन्द परियारले लेखे— शेरबहादुर देउवालाई वरिष्ठ नेता रामचन्द्र पौडेल र शशांक कोइरालाको समर्थन छ ।

---

गोविन्द परियार राज्यस्रोतबाट तलब भत्ता बुझिरहेका पात्र हुन् । उनको यही ‘समाचार’का आधारमा धेरैले समाचार लेखे । शेरबहादुर देउवा समर्थकले त्यही समाचार पोस्ट गरे । सल्यानबाट प्रनिनिधि भएर आएर एकराज डाँगी जो हालै कर्णाली प्रदेशको सहमहामन्त्री पनि निर्वाचित भएर आएका छन् उनले फेसबुकमा सेयर गरेका छन्, वरिष्ठ नेता पौडेल र शशांकको सभापतिमा देउवालाई समर्थन, मध्य राति पासा पल्टियो

यस्तो समाचार फैलिएपछि वरिष्ठ नेता पौडेलका छोरा चिन्त पौडेले आफ्नो भनाइ सार्वजनिक गरे । उनले भनेका छन्, ‘मैले बुवाले देउवालाई समर्थन गरेको भनेर आएको कुरा भ्रमपूर्ण छ । यो मत प्रभावित गर्ने र बुवाको राजनीतिक निष्ठा र इमानदारीतामा प्रश्न उठाउने दुराशयले गरिएको प्रचार हो । यसमा कुनै सत्यता छैन । यस्तो अफवाहको पछि नलाग्न म सबैलाई अनुरोध गर्दछ ।’

चिन्तनले यसरी खण्डन त गरे तर समाचार फैलिइ त सक्यो । सभापतिका अर्का उम्मेदवा शेखर कोइराला पछि रामचन्द्र निवास पुगे । उनले जिज्ञासा राखे । रामचन्द्र आफ्नो बदनाम गरिएको र बालुवाटारबाटै गलत समाचार सम्प्रेषण हुनु धेरै दुःखद् रहेको बताए । 

रामचन्द्रले खण्डन गरेपछि शंशाक कोइरालाका स्वकीय सचिव भरत तिवारीले पनि बालुवाटारको समाचारको खण्डन गरे । शशांक देउवाको पक्षमा गएको भन्ने समाचारमा गलत हो भन्ने उनले बताइरहे ।