काठमाडौँ - नेपाली कांग्रेसको १४ औँ महाधिवेशनमा नयाँ नेतृत्वका लागि भएको चुनावमा राती साढे १० बजेसम्म मतदानको समय थप गरिएको छ । यसअघि राती ९ बजेसम्म थप गरिएको समयमा पनि मतदान नसकिएपछि फेरि डेढ घण्टा थप गरिएको हो । 

९ बजेसम्म झण्डै चार हजार जनाले मतदान गरेका जनाइएको छ । ४ हजार ७ सय प्रतिनिधिमध्ये अझै केही बाँकी रहेकाले साढे १० बजेसम्म मतदान समय थप गरिएको निर्वाचन समितिले जनाएको छ ।

---

यसअघि बिहान ८ बजे नै मतदान सुरु हुने भनिएपनि चार घण्टा ढिलो गरि १२ बजे मात्रै मतदान सुरु भएको थियो । सोही कारण मतदानको समय थप गर्नुपरेको निर्वाचन समितिले जनाएको छ ।