माओवादीको कर्णाली सम्मेलन : नेतृत्व छान्न सकस

सुर्खेत : अध्यक्षमा धेरै आकांक्षी देखिएपछि नेकपा माओवादी कर्णाली प्रदेशको नेतृत्व चयन सकसमा परेको छ । सम्मेलन सुरु भएको चार दिनसम्म पनि नेतृत्व चयन गर्न सकेका छैनन् । मंसिर २५ गते उदघाटन सम्मेलनले ४ दिनसम्म नेतृत्व चयन गर्न सकिरहेको छैन ।

कर्णाली प्रदेश कार्यसमितिका अध्यक्षका लागि आकांक्षीहरूबीच सहमति नहुँदा नेतृत्व चयनमा ढिलाइ भएको हो । सकभर आजसम्ममा नेतृत्व चयन गरिसक्ने माओवादी नेता एंव प्रदेशसभा सांसद ठम्मर विष्टले जानकारी दिए । 

---

प्रदेश अध्यक्षका लागि सुरुमा १४ जना आकांक्षीमध्ये पाँच जनाले दाबी कायम छ । उनीहरूबीच सहमति गर्ने प्रयास जारी छ । प्रदेश अध्यक्षका लागि मुख्यमन्त्री महेन्द्रबहादुर शाही, पूर्वमन्त्री नरेश भण्डारी, टेकबहादुर बस्नेत, राजकुमार शर्मा र रामदीप आचार्यले दाबी गरिरहेका छन् ।

यी पाँचजनामा सहमति नजुटे पार्टी केन्द्रले विकल्प खोज्ने तयारी गरेको जनाइएको छ ।