काठमाडौँ - नेपाली कांग्रेसका महामन्त्रीका उम्मेद्वार गगन थापाले सभापतिमा डा.शेखर कोइरालालाई जिताउन अपील गरेका छन् । सभापतिमा दोस्रो चरणको चुनाव हुने भएपछि गगनले सभापतिमा शेखरलाई जिताउन अपील गरेका हुन् ।

‘आज इतिहासले हामीसँग असाधारण निर्णय लिन आव्ह्वान गरिरहेको छ,’ गगनले अपीलमा भनेका छन्, ‘इतिहासको त्यो आव्ह्वान र अन्तरमनको आवाज सुनेर पार्टी रुपान्तरणको पक्षमा उभिन र डा. शेखर कोइरालालाई आफ्नो अमूल्य मत दिएर सभापति पदमा विजयी गराउन पुनः हार्दिक अपील गर्दछु।’

---

गगन थापा शेखर कोइराला नेतृत्वको प्यानलबाट महामन्त्रीका उम्मेद्वार हुन् । पहिलो चरणको चुनावमा सभापतिमा ५० प्रतिशत मत कसैले ल्याउन नसकेपछि फेरि दोस्रो चरणको चुनाव हुने भएपछि गगनले सबैलाई अपील गरेका हुन् ।